Тас-талқан қылды. Әлем кубогінде өзбек пен қазақ боксшы жүлдеге айқасты

Қазақстандық боксшы Нұрзат Оңғаров Бразилиядағы Әлем кубогінде бірінші жекпе-жегін өткізді, деп хабарлайды Vesti.kz.

Әйгілі Дусматовтың ізбасары

50 келідегі ширек финалда Нұрзаттың қарсыласы өзбекстандық Асилбек Жалилов болды. Бұл боксшыны Өзбекстан құрамасының бас бапкері Тулкин Киличев Олимпиада чемпионы Хасонбой Дусматовтың орнын басатын талантты боксшы дегені бар. 

Өкінішке қарай бұл айқаста Оңғаров қарсыласынан ойсырай жеңілді - 0:5.

Бұған дейін екі боксшымыз жарыстан шығып қалды

Бұған дейін жарыстан Қазақстан құрамасынан Талғат Сырымбетов (60 кг) бразилиялық Луис Оливейрадан таза жеңілді, Даниял Сапарбай (+90 кг) үндістандық Нарендерден басым түсті - 3:2. Енді ол Джахонгир Зокировпен айқасады. 

Бұрымдылардан Анита Адишева (54 кг) польшалық Виктория Рогалинскаядан тас-талқан болды - 0:5.