"Странджа кубогі". Өзбек боксшы қазақстандық Оразбек Асылқұловты жүлдесіз қалдырды

Болгария астанасы Софияда өтіп жатқан "Странджа кубогінде" ел намысын қорғап жүрген Оразбек Асылқұлов жартылай финалға шыға алмады, деп хабарлайды Vesti.kz тілшісі.

Ширек финалда жерлесіміз өзбекстандық Әбдумәлік Халоковпен жұдырықтасты. Жекпе-жек барысында Асылқұлов ашық айқас көрсетуге тырысты. Өз кезегінде Халоков ауыр соққылармен жауап беріп отырды.

Нәтижесінде Әбдумәлік 5:0 есебімен жеңіске жетті. Төрешілердің барлығы (30-27, 30-26, 30-27, 30-27, 30-27) бір ауыздан өзбек боксшыға ұпай берді. Осылайша, Әбдумәлік Халоков турнирдің жартылай финалына шығып, кем дегенде қола жүлдені қоржынға салды.