Странджа кубогі: Қазақстандық боксшы жарыс жолынан шықты

Қазақстандық боксшы Дәулет Молдашев Болгария астанасы Софияда өтіп жатқан Странджа кубогіндегі алғашқы айқасында-ақ жеңіліп қалды, деп жазады Vesti.kz.

Кіші әлем чемпионаты аталып кеткен бұл турнирдің 1/8 финалында 57 келіде өнер көрсететін Дәулет әзірбайжандық Залимхан Сулеймановпен жұдырықтасты.

Бірінші раундта әзірбайжандық боксшы 4:1 есебімен басым түсті. Екінші раундта қазақ боксшы есесін қайтарғандай болды. Дегенмен үш раунд қорытындысы бойынша Сулейманов төрешілердің бөлек шешімімен жеңіске жетті де, жарысты ары қарай жалғастырады.