Бүкіләлемдік бокс ұйымы (WBO) орта салмақ рейтингін жаңартты. Жаңа тізімде британиялық Хамза Шираз (19-0, 15 КО) бірінші орынға шығып, отандасы Крис Юбенкті (33-3, 24 KO) екінші сатыға ығыстырды, деп жазады Vesti.kz.
Осылайша, Шираз WBO желісі бойынша Жәнібектің міндетті қарсыласы атанды.
Бұл жағдайға Fight Club 247 арнасының Twitter-аккаунтында мынадай пікір жазылыпты:
"Хамза Шираз - WBO орта салмақ рейтингінде №1. Жәнібек Әлімханұлы - WBO және IBF тұжырымдары бойынша чемпион.Бір кездері ең ұлы дивизионды шірітіп қойды. Титулды үш жылдай қорғамағанды (Джермалл Чарло) чемпион қылып қалай қалдырып қояды - бұл сұмдық".