Екінші жартылай жеңіл салмақтағы тәжікстандық боксшы Шавкат Рахимовтің (17-1-1, 14 КО) келесі жекпе-жегі белгіленді.
IBF ұйымының бұрынғы чемпионы 8 ақпанда америкалық Джастин Польдомен (17-2, 8 КО) жұдырықтасады.
Жеңіл салмақ лимитіндегі он раундқа есептелген жекпе-жек АҚШ-тың Сан-Антонио қаласындағы бокс кешінде өтеді деп жоспарланған.
30 жастағы Рахимов кейінгі рет 2023 жылы Кардиффте (Уэльс) жұдырықтасып, британиялық Джо Кординнен (17-1, 9 КО) жеңіліп, IBF белбеуінен айрылып қалған болатын.