Бірінші орта салмақтағы қазақстандық боксшы Садриддин Ахмедов (15-0-1, 13 KO) АҚШ-та өткен жекпе-жектен кейін дисквалификацияланды, деп хабарлайды Vesti.kz.
Қарсыласы ұазық мерзімге кетті
19 сәуірде Ахмедов АҚШ-тың Коммерс қаласында өткен бокс кешінде мексикалық Элиас Эспадаспен (23-6-1, 16 KO) жұдырықтасты. Он раундқа созылған айқас тең аяқталып, сенсация болды.
Осыдан кейін Калифорния штатының Атлетикалық комиссиясы Ахмедовке 25 сәуірге дейін жекпе-жекке шығу және спарринг өткізуге тыйым салды. Бұл боксшының денсаулығын қалпына келтіру үшін қабылданған медициналық сипаттағы уақытша сақтық шарасы.
Айта кетейік, оның қарсыласы Эспадасқа бұдан да ұзақ мерзімге дисквалификация берілді - ол 16 қазанға дейін, яғни жарты жылға рингтен шеттелді.
Айта кетейік, АҚШ-та Садриддин Ахмедовті жиі Геннадий Головкинмен салыстырады, себебі ол GGG-нің бұрынғы командасымен жұмыс істейді: бапкері Абель Санчес, промоутері Том Леффлер, ал менеджері Олег Герман.
Жарнама