Танымал World Boxing News порталының редакторы Фил Джей Vesti.kz тілшісіне қазақстандық Жәнібек Әлімханұлының (12-0, 8 КО) чемпиондық белбеуді алғаны, оның мүмкіндіктері мен алда болатын ықтимал қарсыластары туралы пікір білдірді.
"Әлімханұлы үш тәжірибелі боксшыны жеңді. Бұрынғы чемпиондар, жеңілмеген ұлыбританиялық боксшы. Сондықтан бұл күтілген әрі лайықты белбеу болды. Ол Андрадемен кездесусіз-ақ белбеуге лайық. Енді оның бұдан да мықты кездесулерге жолы ашылды. Алдағы мансабы үшін маңызды фактор.
Мен оның Юбенк, Чарло және Мунгияға қарсы жекпе-жегін көргім келеді. Алайда, WBO белбеуін ұсынылған қарсыласпен шығып, қорғап қалу да қажет болуы мүмкін", - дейді Джей.
Орта дивизиондағы белбеу Деметриус Андрадеге (31-0, 19 KO) тиесілі еді, бірақ, ол екінші орта салмаққа өтуіне байланысты бұл белбеуден бас тартты. Өз кезегінде WBO Әлімханұлын толыққанды чемпион деп жариялады.