Сабыржан Аққалықов Қазақстан чемпионы атанды

Батыс Қазақстан облысының боксшысы Сабыржан Аққалықов бокстан ел чемпионы атанды. 

71 келіге дейінгі салмақтағы финалда ол алматылық Фарух Тоқтасынмен жұдырықтасты. 

Бірінші раундта Сабыржан таза жеңді. 

Екінші раундта Аққалықовқа дәрігерлердің көмегі қажет болды, ал раунд қорытындысы бойынша ол бір ұпаймен ғана басым болды. Шешуші раундта Сабыржан тағы да басым болып, жекпе-жекте жеңімпаз атанды. Төрт қазы - 29:28 және біреуі - 28:28 ұпай жазған екен.

Айта кетейік, Аққалықов 2021 жылы жастар арасындағы әлем чемпиоонатының жеңімпазы.