Top Rank промоутерлік компаниясы WBC тұжырымы бойынша әлем чемпионы британиялық Тайсон Фьюри (32-0-1, 23 КО) мен Дерек Чисора (33-12, 23 КО) айқасының анонсын жариялады, деп хабарлайды Vesti.kz тілшісі.
Бокс кеші 3 желтоқсан күні Лондон төріндегі "Тоттенхэм" стадионында өтеді.
Бұл қос ағылшын боксшылары арасындағы үшінші жекпе-жек болмақ. Алыптар алғаш рет 2011 жылы қолғап түйістіріп, Тайсон ұпай саны бойынша жеңіске жеткен еді. Ал 2014 жылы реваншта Фьюри қарсыласын 10 раундта нокаутқа түсірді.