Ресми! Мексикалық нокаутшы Әлімханұлымен жекпе-жекке үміткер атанды

Мексикалық боксшы Хайме Мунгия (41-0, 33 КО) аргентиналық Гонсало Корияға (21-6, 8 КО) қарсы жекпе-жек өткізді, деп жазады Vesti.kz тілшісі. 

Бұл айқас Мексикада өтіп, үшінші раундта мәресіне жетті. Кория бүйірінен соққы өткізіп, әрең есін жиды. Бірақ кездесуді ары қарай жалғастыра алмады. 

JAIME MUNGUÍA FINISHES IT IN THE THIRD ROUND ?#MunguiaCoria pic.twitter.com/WQMleTuoIg

— DAZN Boxing (@DAZNBoxing) November 20, 2022

Осылайша, Мунгия ресми түрде Жәнібек Әлімханұлымен кездесуге үміткер атанды. Еске салайық, осыған дейін WBO ұйымының президенті Пако Валькарсель Әлімханұлы мен Дензел Бентли, Мунгия мен Кория арасындағы кездесудің жеңімпаздары бір-бірімен кездесетінін мәлімдеген еді. 

Айта кетейік, Кория 2020 жылы Әлімханұлымен кездесу өткізіп, екінші раундта нокаутпен жеңілген болатын.