Жартылай орта салмақта өнер көрсететін Сергей Липинец (16-2-1, 12 КО) Қазақстан азаматтығын "қайтарып" алды, деп жазады Vesti.kz тілшісі.
Қазақстанның тумасы осы уақытқа дейін Ресей атынан өнер көрсетіп жүрген болатын. Бірақ жуырдан бастап оның профилінде Қазақстанның туы пайда болды.
"IBF белбеуінің бұрынғы иегері Сергей Липинец Ресей азаматтығын Қазақстан азаматтығына ауыстырған секілді. Ол Қазақстанда дүниеге келген. Бірақ осы уақытқа дейін Ресейдің намысын қорғап келді. Ол қазір BoxRec рейтингі бойынша қазақстандық боксшылардың рейтингінде екінші орында тұр", - деп жазады дереккөз.