Промоутер Головкин мен Уорд неге жұдырықтаспағанын түсіндірді

Геннадий Головкиннің промоутері Андре Уордтың келісім бергеніне қарамастан қазақстандық боксшы неге америкалыққа қарсы жекпе-жек өткізбегенін түсіндіріп берді, деп жазады Vesti.kz тілшісі. 

Том Леффлердің айтуынша, Андре Уорд Головкин басқа жекпе-жек туралы келісіп қойған соң ұсыныс жасаған. 

Бұл туралы әңгіме кеше твиттерде өрбіді. Қолданушылардың бірі Головкиннің Уордтан қашып кеткенін жазды. 

"Головкин Лемьемен кездесу өткізуге келісім бергеннен кейін ғана Уорд жекпе-жек өткізу туралы ұсыныс жасаған", - деп жазды бұл туралы танымал журналист Стив Ким. 

Ward only wanted to fight him after the Lemieux fight was signed. https://t.co/Cv626SjQ0m

— Steve Kim (@SteveKim323) November 10, 2021

"Рас. Уорд тарапынан ұсыныс біз Лемьемен кездесу өткізуге келісіп қойған соң түсті. Ал одан кейін Головкинмен Котто - "Канело" арасында жеңімпаз кездесетін болды. Орта салмақтағы бұл екі кездесу де біз үшін маңызды болды. Бұл туралы сол кезде мен айтқан едім", - деді Леффлер. 

That’s absolutely true. The “offer” came through after we announced the unification fight with Lemieux (sold out MSG) and GGG was guaranteed the winner of Cotto/Canelo. Both much bigger fights at 160, which I made clear in my response to the “offer.” https://t.co/hYgiCyHiCM

— Tom Loeffler (@TomLoeffler1) November 10, 2021

Айта кетейік, Головкин келесі кездесуін желтоқсан айында Жапонияда өткізеді деп күтілуде. Оның қарсыласы WBA Super белбеуінің иегері Риото Мурата болады.