Өзбектен шыққан Олимпиада чемпионы кәсіпқойдағы оныншы жекпе-жегін нокаутпен аяқтады

Бокстан Токио Олимпиадасының чемпионы Баходир Джалолов (10-0, 10 KO) кәсіпқой рингтегі оныншы жекпе-жегінде жеңіске жетті, деп хабарлайды Vesti.kz тілшісі.

90 келіден жоғары салмақта сынға түсетін өзбек боксшы бұл жолы польшалық Камил Соколовскиден (11-26-2, 4 КО) айласын асырды.

Дубайдағы (БАӘ) айқаста Джалолов екінші раундта қарсыласын құлатса, бесінші раундта төреші жекпе-жекті тоқтатуға мәжбүр болды. Соколовски рефериге кездесуді жалғастыра алатынын айтқанымен, төреші шешімін өзгертпеді.

He's a ? BAAAAADDD MAAANNNN!

?? @BakhodirJalolov gets the KO win in round 5! #ProbellumEvolution pic.twitter.com/bHpTam29aH

— Probellum (@probellum) March 18, 2022

Еске салайық, Джалолов әуесқойлар арасында Азияның үш дүркін (2017, 2019, 2021) чемпионы атанды. Сонымен қатар, 2019 жылы әлем чемпионы атағын иеленген.