Бүгін, 4 қарашада Аммандағы (Иордания) Азия чемпионатында рингке үш қазақстандық боксшы шығады, деп хабарлайды Vesti.kz.
48 келіде 2021 жылғы жастар арасында Азия чемпионатының жеңімпазы Санжар Тәшкенбай өзбекстандық Асилбек Джалиловпен жекпе-жекке шығады. 67 келіде Дулат Бекбауовтың қарсыласы түркіменстандық Сапармурат Одаев болады. Ал 2018 жылғы Азия ойындарының күміс жүлдегері Асыланбек Шымбергенов 71 келі салмақта филиппиндік Маржона Пианьярмен айқасады.
Күндізгі сессия 16:00, ал кешкі 21:00-де басталады.