Өзбекстандық Олимпиада чемпионы кәсіпқойдағы кезекті қарсыласын сұлатты

Бокстан Олимпиада чемпионы Баходир Джалолов (11-0, 11 КО) бельгиялық Джек Муловайиді (11-3-1, 7 КО) нокаутқа түсірді, деп хабарлайды Vesti.kz тілшісі.

Өзбек былғары қолғап шеберінің қатысуымен өткен айқас Turning Stone Resort & Веронодағы Casino-да (Нью-Йорк, АҚШ) өткен бокс кешінің басты жекпе-жегі болды.

Джалолов екінші раундта қарсыласын құлатты. Алайда төреші нокдаунды есепке алмады. Алтыншы раундта бельгиялық есеңгіреп қалғанымен жекпе-жекті жалғастыра алатынын көрсетті. Дегенімен сегізінші раундта өзбек боксшы Муловайиді ауыр нокаутқа түсірді.

Еске салайық, Джалолов әуесқойлар арасында үш дүркін Азия чемпионы (2017, 2019, 2021) атанды. 2019 жылы әлем чемпионы болды. Сонымен қатар, 2020 жылы Токио Олимпиадасының алтынын мойнына тақты.

.@BakhodirJalolov with a BIG left ?#SHOBOX on @Showtime pic.twitter.com/7Qn4cKZHs7

— SHOWTIME Boxing (@ShowtimeBoxing) June 11, 2022

THAT LEFT ?

Ringside angle of @BakhodirJalolov’s KO of Mulowayi. #SHOBOX pic.twitter.com/Jm0c3aWffK

— SHOWTIME SPORTS (@SHOsports) June 11, 2022