Өзбекстандық "Құбыжық" әлемдегі ең мықты боксшыны атады

Бірінші орта салмақта WBA чемпионы, "Құбыжық" лақап атты өзбекстандық Исраил Мадримов (10-0-1, 7 КО) салмақ дәрежесіне қарамастан әлемдегі ең мықты боксшы кім деп ойлайтынын айтты.

- P4P рейтингінде бірінші болып тұрған кім? Канело Альварес, Джервонта Дэвис, Теренс Кроуфорд - осылардың қайсы сен үшін ең мықты?

- Мен үшін Теренс Кроуфорд, үнемі солай айтатынмын. Ол өте ақылды боксшы, солайқай да, оңқай да тұрыспен айқаса береді. Техника жағынан ол мен үшін ең мықты боксшы. Қазір P4P рейтингінде ол мен үшін бірінші. Иноуэ де мықты. Ол екі салмақта абсолют чемпион. Біздің Муроджон Ахмадалиев қазір Иноуэден жауап күтіп отыр, өйткені Иноуэ одан қашып жүр, - деп береді Мадримовтың сөзін vRINGe.com.