Өзбекстандық журналист Жалол Ахмедов қазақстандық Жәнібек Әлімханұлының (17-0, 12 КО) франциялық Анауэль Нгамиссенгені (14-1, 9 КО) жеңгеніне қатысты пікір білдірді, деп хабарлайды Vesti.kz.
5 сәуір Астанада өткен бокс кешінде Жәнібек орта салмақта WBO және IBF титулдарын қорғап қалды. Қазақ боксшы қарсыласын бесінші раундта нокаутқа түсірді.
"Басынан соңына дейін үстемдік етті: Жәнібек Әлімханұлы 5 раундта Анауэль Нгамиссенгені күйретіп тастады да, орта дивизионда WBO және IBF тұжырымы бойынша әлем чемпионы атағын қорғап қалды", - деп жазыпты журналист Х әлеуметтік желісінде.
Dominant performance from start to finish, Janibek Alimkhanuly destroys Anauel Ngamissengue in 5 rounds to retain his WBO & IBF middleweight titles. pic.twitter.com/8H7vKcAIRq
— Jalol Akhmedov?? (@JalolAkhmedov) April 5, 2025
Бұл Әлімханұлының кәсіпқой карьерасындағы 17-ші жеңісі, оның он екісі нокаутпен. Франциялық боксшы 14 жеңістен кейін карьерасында алғаш рет жеңіліп отыр.
Ал осы бокс кешіндегі сұхбаты кезінде өзге қазақастандық боксшы Мейірім Нұрсұлтанов Әлімханұлымен титул үшін айқасуға келісті.
Жарнама