Өзбек чемпионды жеңген қазақ боксшы Азиада финалына шықты

Қытай қазағы Тоқтарбек Таңатқан Ханчжоудағы Азия ойындарының финалына шықты, деп хабарлайды Vesti.kz.

80 келі салмақтағы жартылай финалда Тоқтарбек жастар арасында 2022 жылы өткен әлем чемпионатының жеңімпазы, өзбекстандық Турабек Хабибуллаевты жеңді - 4:1.

Енді Тоқтарбек Азиада алтыны үшін айқасады және жеңіліп қалған жағдайда да күміс жүлде алады. 

Еске салайық, бұл жарыстың 1/8 финалында Тоқтар қазақстандық Нұрбек Оралбайды жарыс жолынан шығарып тастаған болатын.

26 жастағы қандасымыз көктемде Өзбекстан астанасында өткен 2023 жылғы әлем чемпионатының күміс жүлдегері.