"Өте сирек талант". Matchroom Данияр Елеусінов туралы фильмін жарыққа шығарды

Эдди Хирн басқаратын британиялық Matchroom Boxing промоутерлік компаниясы жартылай орта салмақтағы қазақстандық проспект Данияр Елеусінов (9-0, 5 КО) туралы қысқа фильмін көпшілік назарына ұсынды, - деп хабарлайды Vesti.kz.

Видеоға АҚШ-тағы кейінгі жекпе-жектердің үзіндісі кірді және рингтен тыс дүниелер көрсетілді. 

Еске салайық, Елеусінов жақында бірінші жартылай орта салмақта бұрынғы әлем чемпионы намибиялық Джулиус Индонгомен (23-2, 12 КО) карантин біте салысымен жұдырықтасатынын құлақтандырған.