Промоутер Эдди Хирн "Ammo" (оқ-дәрі дегенді білдіреді) лақап атты америкалық Остин Уильямсқа (18-1, 12 KO) қарсылас болатын боксшылар арасында орта салмақта IBF және WBO чемпионы Жәнібек Әлімханұлын (16-0, 11 КО) да атады, деп хабарлайды Vesti.kz.
2025 жылы 15 наурызда америкалық боксшы канадалық Патрис Волнимен (19-2, 13 KO) өте ауыр жекпе-жек өткізді. Соққының астында қалғанымен ол жекпе-жекті бақылауында сақтап, ақыры төрешілер шешімімен жеңіске жетті.
Осы айқастан кейін Уильямс орта дивизион чемпиондарын жекпе-жекке шақырды, алайда, сарапшылардың бұған қатысты болжамы мәз емес.
"Остин - менің жеке жобам, сондықтан оның биікке жеткенін қалаймын. Ол биыл орта салмақта чемпиондық айқасқа шығу мүмкіндігін алады деп сенемін. Жеңіске жете ала ма?
Ол үшін әрине мықтырқ болу керек. Ал мен Уильямс - әлемдік деңгейдегі боксшы деп есептеймін, алайда, ол Лара, Адамес немесе Жәнібекті жеңгісі келсе, оған өсе түсу қажет", - деп береді Хирннің сөзін Boxing247.
Жарнама