Нокдауннан кейін жігерін жиған қазақ боксшы алтын жеңіп алды

Азиялық бокс конфедерациясы (ASBC) қазақстандық Ерхан Тұрданның Испанияда өткен Boxam Elite-2025 халықаралық турнирінің финалындағы жеңісіне қатысты пікір білдірді, деп жазады Vesti.kz.

57 келі салмақтағы алтын үшін айқаста Ерхан нокдаунға түскеніне қарамастан қырғызстандық Ислам Торобаевты 5:0 есебімен жеңе алды. 

"Қырғызстандық Ислам Торобаев 57 келге өтіп, турнир бойы өзін жақсы көрсетті. 22 жастағы боксшы жарыстағы соңғы қарсыласы қазақстандық Ерхан Тұрданды айқастың бірініш минутында нокдаунға түсірді. Алайда Ерхан осыдан кейін от алып, жекпе-жек барысын өз пайдасына бұрды", - деп жазады ASBC.