Міндетті қарсылас "Канело" - Головкин жекпе-жегі үшін кезегін беруге келісті
Пікірлер
blog.share
WBC ұйымының орта салмақтағы "уақытша" чемпионы Джермалл Чарло (27-0, 21 КО) қазақстандық Геннадий Головкин (38-1-1, 34 КО) және мексикалық Сауль "Канело" Альварес (50-1-2, 34 КО) үшінші жекпе-жекке келісе алса, өз кезегін беруге дайын. Бұл туралы америкалық боксшының кеңесшісі Сэмпсон Левковиц айтып берді.
Мұның алдында Бүкіләлемдік бокс кеңесінің (WBC) конвенциясында Головкин мен Чарло жекпе-жегі белгіленді. Бұл кездесудің жеңімпазы Альвареске міндетті қарсылас атанады. Алайда америкалық бұл шешімге дейін де міндетті қарсылас болатын.
WBC Головкинді "Канелоға" міндетті қарсылас етіп тағайындады
Головкин мексикалық боксшымен екі рет жұдырықтасқанымен, әлі жеңген жоқ. Боксшылардың алғашқы жекпе-жегі тең аяқталды, ал қарымтада "Канело" Альварес жеңді. Екі жекпе-жек те 12 раундқа созылып, екеуінде де төрешілер шешімінің арты дауға ұласты. Қарымта жекпе-жек Головкин үшін алғашқы жеңіліс болды және ол WBC, WBA (Super), IBO белбеулерінен айырылып қалды.
"Чарло "Канеломен" жұдырықтасқысы келді, бірақ, Геннадиймен жекпе-жек жақсы мүмкіндік. Дегенмен Чарло мексикалық пен қазақстандық үшінші жекпе-жекке келісе алса, жол беруге дайын. Алайда бұл шешім Golden Boy Promotions мен GGG Promotions келісіміне байланысты", - деп келтіреді ESPN Левковицтің сөзін.
Том Леффлер Головкин карьерасын қашан аяқтайтынын айтты
Ал Альварестің өзіне қатысты WBC оған чемпиондығын еркін қорғауға рұқсат берді. Мексикалық 15 желтоқсанда жекпе-жек өткізбек, оның ықтимал қарсыласы канадалық Давид Лемье (40-4, 34 KO).
Ал Головкин биыл жұдырықтасуды жоспарлап отырған жоқ. GGG рингке тек 2019 жылдың көктемінде оралады.
blog.share
WBC ұйымының орта салмақтағы "уақытша" чемпионы Джермалл Чарло (27-0, 21 КО) қазақстандық Геннадий Головкин (38-1-1, 34 КО) және мексикалық Сауль "Канело" Альварес (50-1-2, 34 КО) үшінші жекпе-жекке келісе алса, өз кезегін беруге дайын. Бұл туралы америкалық боксшының кеңесшісі Сэмпсон Левковиц айтып берді.
/>
Жарнама