"Минусы да бар". Қазақ нокаутшы Астанадағы бокс кеші жайлы

Қазақстандық боксшы Сұлтан Зауырбек (19-0, 13 КО) Астанада өтетін бкос кешіне қатысты пікір білдірді, деп хабарлайды Vesti.kz.

5 сәуірде ол оңтүстік африкалық Азинга Фузилемен (18-2, 12 КО) жекпе-жекке шығады. Осыған байланысты ол Қазақстанда жұдырықтасудың қандай кері жақтары барын айтты. 

Бұл тарихи бокс кеші және үлкен мүмкіндіктер есігі

"Елдің алдында өнер көрсету қиын ғой. Өйткені таныс адамдар алдында, ата-анаң, бауырлардың алдында. Әрине шетелге де келеді қазақтар, Англияда да, Америкада да қолдайды. Бірақ үйде төбелескеннің жауапкершілігі өте ауыр болады. Плюсі де, минусі де бар. 

5 сәуір енді тарихи бокс кеші ғой. Екі титулы бар чемпион (Жәнібек Әлімханұлы) айқасады. Мен IBF желісі бойынша төбелесемін.

Қарсылас әлем чемпионы атағы үшін жұдырықтасқан, 12 раундтық жекпе-жекте тәжірибесі бар. Солақай, мен де солақаймын. Қарсыласты көрдік, бақыладық. Қазір салмақ түсіріп жатырмын. 

Мен үшін бұл үлкен мүмкіндік. Өйткені жеңіске жетсем, IBF чемпионына міндетті қарсылас атанамын", - дейді Сұлтан Qazaqstan TV эфирінде.