Мейвезер бір аптада тоғыз көлік сатып алуға миллион жұмсаған

Бес салмақта бокстан бұрынғы әлем чемпионы америкалық Флойд Мейвезер көлік сатып алу үшін бір аптада миллион доллар жұмсаған, деп хабарлайды "Чемпионат".

Ол Лас-Вегастағы көлік салонынан өзі, отбасы мен айналасындағылар үшін тоғыз көлік сатып алыпты. Олардың ішінде екі Rolls-Royce Ghost, Mercedes S560, Maybach, Dodge Journey, Dodge Charger және үш Dodge Challenger.

Жалпы дәл осы салоннан Мейвезер кейінгі жылдары 157 көлік алған, олардың арасында - 29 Rolls-Royce бар.

Белгілі боксшы қымбат көліктерді жинаумен әуестенеді. Оның гаражында Ferrari, Bugatti, Lamborghin және Rolls-Royce сияқты маркалар тұр.

Ал осы демалыста Мейвезер америкалық блогер Логан Полмен жекпе-жек өткізіп, 10 миллион кепілді гонорар алды. Мұнымен қоса, оған ақылы трансляциядан қомақты үлес тиеді.