Кеше Квебекте өткен бокс кешінде ресейлік нокаутшы Артур Бетербиев (20-0, 20 КО) британиялық Каллум Смитпен (29-2, 21 КО) жекпе-жек өткізді, деп жазады Vesti.kz.
12 раундқа есептелген кездесу жетіншісінде аяқталды. Бетербиев қарсыласын екі рет нокдаунға түсірді, осыдан кейін төреші Смиттің командасы сұрағандықтан жекпе-жекті тоқтатты.
Осылайша, Бетербиев жартылай ауыр салмақта WBC, IBF және WBO титулдарын қорғап қалды.
Ендігі айқасын Бетербиев отандасы Дмитрий Биволмен (22-0, 11 КО) өткізуі тиіс. Бұл айқас жеңімпазы абсолют чемпион атанады.