Мадияр Әшкеев WBC жүйесіндегі титулды жеңіп алды

Әлі жеңілмеген қазақстандық боксшы Мадияр Әшкеев бірінші орта салмақта WBC белбеулерінің жүйесіне енетін NABF Junior чемпионы титулын иеленді, - деп хабарлайды Тengrinews.kz тілшісі.

Әшкеевтің қарсыласы америкалық Сесил Маккалла болған. Жекпе-жек АҚШ-тың Тусон қаласындағы (Аризона штаты) бокс кешінде өтті.

Он раундқа созылған кездесуде қазақстандық боксшы төрешілер шешімімен жеңіске жетті.

Айта кетейік, бұл - Мадияр Әшкеевтің карьерасындағы алғашқы белбеу.