"Лас-Вегасқа қарап қалған жоқпыз". Головкиннің промоутері қарымта кездесуді басқа қалада өткізуді ұсынды
Пікірлер
blog.share
Геннадий Головкиннің промоутері Том Леффлер мексикалық Сауль "Канело" Альвареспен қарымта кездесу қайтадан Лас-Вегаста өтеді дегенге қатысты қазақстандық боксшы командасының көзқарасын жеткізді.
Головкин - Альварес жекпе-жегі 16 қыркүйекте Лас-Вегастағы T-Mobile аренасында өткен және Невададағы билет сатылымы жағынан рекорд орнатқан болатын.
Леффлердің сөзінше, ол қарымта кездесуді Лас-Вегаста емес, басқа қалада өткізгісі келеді.
"Даллас (AT&T Stadium) және Madison Square Garden (Нью-Йорк) үлкен қызығушылық танытып отыр, бірақ, бәрі экономикалық жағдайға байланысты болады. Меніңше жекпе-жекті басқа қалада, өзге аудитория үшін өткізген жөн болады. Ал егер Лас-Вегастан өзге таңдауымыз болмаса, Геннадий ол жерге екінші рет те бара алады", - дейді Леффлер ESPN Deportes басылымына берген сұхбатында.
Мұның алдында промоутер Головкин мен Альварестің қарымта жекпе-жегін өткізуге дайын екендерін және "Канелоның" жауабын ғана күтіп отырғанын мәлімдеген. Қазақстандық боксшының өзі Альварес келіспеген жағдайда орта салмақта WBO чемпионы британиялық Билли Джо Сондерспен жұдырықасуға ниетті екенін білдірді.
blog.share
Геннадий Головкиннің промоутері Том Леффлер мексикалық Сауль "Канело" Альвареспен қарымта кездесу қайтадан Лас-Вегаста өтеді дегенге қатысты қазақстандық боксшы командасының көзқарасын жеткізді.
/>
Жарнама