"Қазақтың Ломаченкосы" өзбекке қарсы. Азия чемпионаты жекпе-жектеріне трансляция

Бүгін, 18 қаңтарда Таиландтың Бангкок қаласында бокстан Азия чемпионаты басталады, деп хабарлайды Vesti.kz.

22 жасқа дейінгі боксшылар арасында өтетін бұл турнирде Қазақстан атынан рингке бірінші болып Санжар Тәшкенбай шығады, 48 келідегі 1/8 финалдық айқаста оның қарсыласы қырғызстандық Анваржан Ходжиев болады. 

Күндізгі сессияның үшінші жұбында ринг төріне "Қазақтың Ломаченкосы" атанып кеткен Махмуд Сабырхан жұдырықтасуға шығады. 57 келідегі 1/8 финалда оның қарсыласы өзбекстандық Мирзабек Мирзахалилов болмақ. 

Жекпе-жектердің тікелей трансляциясы 13:00-де басталады.