Орта салмақта WBC чемпионы доминиканалық Карлос Адамес осы дивизонда WBO және IBF титулдарына ие қазақстандық Жәнібек Әлімханұлын мазақ етті, деп хабарлайды Vesti.kz.
"Жабайы айғыр" атанып кеткен чемпион
Әлеуметтік желіде Адамес Жәнібек Әлімханұлына қатысты жазылған жарияламға ретвит жасады, доминиканалық ол жерде жылқыдан қашып бара жатқан адамның эмодзиін бекіткен екен. Бұл қазақстандық боксшы доминиканалық чемпионмен айқасудан қашып жүр деп меңзегені. Өйткені Адаместің лақап аты - Bronco, яғни, "Жабайы айғыр" дегенді білдіреді.
Жариялым Канеломен айқас туралы
Ал BoxingScene басылымының әлеуметтік желісіндегі жарияламында Әлімханұлы орта салмақта абсолют атануға тырысудан гөрі, суперорта дивизионда Сауль "Канело" Альвареспен жекпе-жекке басымдық беріп жүргені айтылады.
??♂️???? https://t.co/PQr9Txu4Tw
— Carlos Adames (@BroncoAdames) April 1, 2025
Еске салайық, Жәнібек 5 сәуір Астанада рингке оралып, франциялық Анауэль Нгамиссенгемен айқаста титулдарын қорғайды.
Жарнама