"Қазақтарға рахмет!". Баходир Джалолов видеомәлімдеме жасады

Өзбекстандық боксшы Баходир Джалолов (14-0, 14 КО) 5 сәуірдегі бокс кеіне қатысу үшін Астанаға келді, деп хабарлайды Vesti.kz.

Джалоловтың қарсыласы украиналық Игорь Шевадзуцкий (12-2, 10 КО) болады.

Баходир Қазақстанға келісімен жергілікті жанкүйерлерге қолдаулары үшін алғысын айтты. 

"Әрине, жанкүйерлердің қолдауын сеземін. Мұнда да жанкүйерлер өте көп. Жақсы бір жекпе-жек көрсетеміз деген ойдамын. Қолдау білдіріп жатқандарыңыз үшін Қазақстанға рахмет айтқым келеді", - дейді ол. 

https://t.me/vestisport/20398

Еске салайық, Астанаға өзбекстандық тағы бір боксшы Отабек Холматов (12-1, 11 KO) та келді. Ол филиппиндік Джейсон Кано Манигоспен (30-12-2, 20 КО) жұдырықтасады.

Ал кештің басты айқасында Жәнібек Әлімханұлы (16-0, 11 КО) франциялық Анауэль Нгамисенгемен (14-0, 9 КО) жұдырықтасады, бұл кездесуде қазақстандыққа тиесілі орта салмақтағы IBF және WBO титулдары сарапқа салынады.