Қазақстанның тумасы WBO белбеуінен айырылып қалды

Қазақстанда дүниеге келіп, бірақ, қазіргі уақытта Германияның намысын қорғайтын боксшы Роман Фресс жартылай ауыр салмақта WBO ұйымының құрлықтық белбеуінен айырылып қалды, деп жазады Vesti.kz тілшісі. 

Магдебургте (Германия) өткен бокс кешінде ол карьерасында бірінші рет жеңілді. Осыған дейін Фресстің еншісінде 15 жеңіс бар еді. 

Аталған кездесуде Фресстің қарсыласы косоволық Арменд Хождай болды. Бұл айқаста Қазақстан тумасы он раундтың қорытындысы бойынша 92-98, 94-96, 96-94 есебімен жеңіліп, белбеуінен айырылды.