Қазақстаннан шыққан америкалық полицей кәсіпқой бокстағы 13-ші жеңісіне жетті

Қазақстаннан шыққан АҚШ боксшысы Димаш Ниязов америкалық Агустин Маураспен өткен кездесуде жеңіске жетті, - деп хабарлайды Vesti.kz.

Жекпе-жекте басты кездесу әлем чемпионмы америкалық Дэниэл Джейкобс(32-2, 29 КО) пен Луис Ариастың (18-0, 9 КО) кездесуі болды. Жекпе-жек Бруклиндегі Barclays Center аренасында өтті.

Осылайша, Димаш Ниязов Дэниэл Джейкобстың андеркартында жұдырықтасып, жеңіске жетіп отыр. Жекпе-жек алты раундқа жоспарланған болатын. Бірақ Ниязов қарсыласын бесінші раундта техникалық нокаутқа түсірді.

Бұл 28 жастағы боксшының кәсіпқой рингтегі 13-ші жеңісі.