Абдусаламовтың жұбайы, Баканай, оны тастап кетпей, бір күндері боксшы аяқтан тік тұрып кетеді деген үмітін үзбеуде. 2017 жылы қыркүйекте боксшының отбасы Нью-Йорк штатынан дәрігерлік қателік үшін 22 миллион доллар өтемақы өндіріп алған.
"Сол Магомедтің орнында өзің болатын болсаң, әйелің кетіп қалмай ма, төркініне?" - деп сұрады журналист Әшкеевтен, осыдан кейін боксшы оның бетіне су шашып жіберді.
Боксшы сұхбатты тоқтатып тастады, ал журналист арадағы жігітше әңгіме болған деп ақталғысы келді.
Еске салайық, 30 жастағы Әшкеев 5 шілде Алматыда өтетін бокс кешінде 34 жастағы эстониялық Павел Семеновпен (24-11-2, 9 КО) жұдырықтасады. Бұл жекпе-жекке Әшкеевке тиесілі NABF Junior белбеуі және бірінші орта салмақтағы Ұлттық бокс қауымдастығының титулы тігіледі.
Ал шоудың басты оқиғасында Қанат Ислам (25-0, 20 КО) мен доминикандық Хулио де Хесус (28-1, 27 КО) жекпе-жек өткізеді.