Қазақстан чемпионатына кәсіпқой боксшы қатысып жатыр

Кәсіпқойда өнер көрсеткен қазақстандық боксшы Талғат Шәйкен Қарағандыдағы Қазақстан чемпионатына қатысуда. 71 келідегі алғашқы айқаста оның қарсыласы Алинұр Өмірбек болды. 

Бұл жекпе-жекте үш раунд қорытындысы бойынша Талғат төрешілер шешімімен жеңді. Енді келесі айқасын ол 20 желтоқсанда Мадияр Тәжібаевқа қарсы өткізеді. 

Айта кетейік, Талғат Шәйкен кәсіпқой бокста өткізген тоғыз жекпе-жектің бәрінде жеңіп, оның бесеуін нокаутпен аяқтаған.