Бірінші орта салмақтағы қазақстандық боксшы Батыр Жүкембаев (23-1, 17 КО) Vesti.kz тілшісіне берген сұхбатында орта дивизионда IBF және WBO чемпионы Жәнібек Әлімханұлы (16-0, 11 КО) атақты Сауль "Канело" Альваресті (62-2, 39 КО) жеңе ала ма деген сұраққа жауап берді.
Сонымен қатар, Батыр 5 ақпан Астанада өтетін бокс кешіне дайындық туралы да айтып берді.
Еске салайық, 5 сәуір Астанада үлкен бокс кеші жоспарланған, оның басты айқасында Жәнібек Әлімханұлы франциялық Анауэль Нгамиссенгемен (14-0, 9 КО) жекпе-жекте титулдарын қорғайды. Бұл Жәнібектің 2017 жылдан бері Қазақстанда өткізетін алғашқы айқасы.
- Осы Астанадағы бокс кешіне дайындық қалай өтіп жатыр?
- Елдегі жекпе-жектер біз үшін әрқашанда ерекше ғой. Сондықтан осы ұсынысты естігенде қуана қабылдадық. Қазір дайындық толық жүріп жатыр, салмақ қууды да бастап кеттік. Спарринг, қарсыласқа қарсы жұмыстар қазір көп болып жатыр. толық дайындық қызу үстінде.
- Жәнібек екінші орта салмаққа көтеріліп, Канеломен айқасқым келеді дейді. Дәл қазіргі кезде Әлімханұлының деңгейі мексикалықты жеңуге келе ме?
- Енді ол жекпе-жектің болар, не болмайтынын да білмеймін. Бірақ жетпіс екіде де, жетпіс алтыда да (орта және суперорта салмақ) Жәнібек әрбір чемпионға жақсы бір жекпе-жек көрсете алады деп ойлаймын. Кіммен болса да, өйткені екі белбеуді алу да оңай емес. Сондықтан Жәнібек қазақтың бір туары ғой.
Әлімханұлы чемпиондық титулдарды тастап "Канелоны" айқасқа шақырды
Жарнама