Бірінші жартылай орта салмақтағы қазақстандық кәсіпқой боксшы Батыр Жүкембаев (23-1, 17 КО) бес дивизионда чемпион болған америкалық Флойд Мейвезермен (50-0, 27 КО) түскен суретін жариялады.
"Аңыз - Флойд Мейвезер", - деп жазыпты Батыр бірге түскен суреттің астына.
2024 жылы Жүкембаев тек бір айқас өткізді: мамыр айында ол украиналық Иван Редкачты (24-8-1, 19 КО) бесінші раундта техникалық нокаутпен жеңді. Ал биыл қазақ боксшы есесіне үш немесе төрт жекпе-жек өткізуге ниетті екенін айтқан болатын.