Қазақстандық боксшы Садриддин Ахмедовтің (14-0, 12 КО) келесі қарсыласы белгілі болды.
Ахмедов рингке 13 желтоқсан АҚШ-тың Санта-Инезе қаласында өтетін бокс кешінде шығады. Бұл кешті Геннадий Головкиннің бұрынғы промоутері Том Леффлердің 360 Promotions компаниясы ұйымдастрады.
BoxRec.com мәліметінше, Садриддиннің қарсыласы Рафаэль Игбокве (17-5, 7 КО). Жекпе-жек орта салмақ лимитінде өтеді және он раундқа есептелген.
Бұл Ахмедовтің АҚШ-тағы екінші айқасы, тамызда өткен бірінші жекпе-жегінде ол жергілікті Антонио Тоддты (17-11, 9 КО) бірінші раундта нокаутқа түсірген.
Игбокве 2020 жылы Америка бокс конфедерациясының чемпионы болған, ал 2023 жылы "өзбекстандық Головкин" атанып кеткен Исраил Мадримовпен (9-0-1, 6 КО) жұдырықтасып, жеңіліп қалған еді.