Олимпиаданың екі дүркін чемпионы, өзбекстандық Баходир Джалолов (14-0, 14 КО) Париж ойындарынан кейін кәсіпқойдағы бірінші айқасын өткізеді.
Жекпе-жек 6 ақпан Монреальда (Канада) өтеді. Қарсылас франциялық Давид Спилмон (16-8-1, 11 КО) болады.
Спилмон BoxRec рейтингінде 157-орында тұр. Кәсіпқойда кейінгі рет Баходир былтыр 16 қараша Францияда жұдырықтасып, Артем Чернякевичті (4-36-1) нокаутқа түсірген еді.