"Карьерасын аяқтағанын хабарламады". Промоутер Головкиннің рингке оралуын құптап отыр

Ұзақ жылдар әлімнің бұрынғы чемпионы Геннадий Головкиннің ісін жүргізген промоутер Том Леффлер қазақстандық боксшының рингке оралуына қатысты сұраққа жауап берді. 

"GGG бойынша ешқандай шұғыл жаңалық жоқ. Қазір Геннадий әуесқой бокста жұмыс істеп жатыр, Қазақстанның ұлттық құрамасы мен олимпиадалық комитетте. Осы бағытта кетті. GGG кәсіпқой карьерасын аяқтағанын хабарламады, бірақ, рингке ораламын деп те айтпады. Кейінгі жылдарда БАҚ білмейтін қандайда бір жоспарлар боллды ма? Жоқ, болған жоқ. "Канеломен" үшінші жекпе-жек соңғы айқас болған, содан бері ештеңе талқыланған емес", - дейді Леффлер журналист Майкл Вудспен сұхбат кезінде. 

Алайда промоутер 42 жасқа келген GGG рингке оралам деген шешім қабылдаса, әбден құптайтынын айтты.