"Канело" Головкинмен үшінші рет жұдырықтасуға қатысты мәлімдеме жасады

Орта салмақта WBC, WBA (Super) тұжырымдары бойынша чемпион Сауль "Канело" Альварес (50-1-2, 34 КО) қазақстандық Геннадий Головкинмен (38-1-1, 34 КО) үшінші жекпе-жек өткізуге дайын екенін айтады.

Альварес пен Головкин екі рет жұдырықтасқан: 2017 жылдың қыркүйегінде Лас-Вегастағы T-Mobile аренасындағы жекпе-жек тең аяқталды, ал биыл Альварес төрешілер шешеімі бойынша жеңіске жетті. Ал Головкин карьерасында алғаш рет жеңіліп тұр. Кейін екі боксшы да үшінші рет жұдырықтасуға дайын екендерін айтқан. 

"Жанкүйерлер үшінші рет жұдырықтасқанымызды қаласа, оған мұндай мүмкіндік беремін. Адамдарға қалағанын беру үшін осындамын. Жақсы жекпе-жектер тамашалай алу үшін. Егер бұл адамдар қалаған жекпе-жек болса, оларға ұйымдастырып беремін", - деп келтіреді Альварестің сөзін Sky Sports.