Бүкіләлемдік бокс кеңесінің (WBO) президенті Густаво Оливери америкалық боксшы Теренс Кроуфорд (41-0, 31 КО) бірінші орта салмақтағы чемпион атағынан айрылатынын мәлімдеді, деп хабарлайды Vesti.kz.
Ұйым басшысы мұны былай түсіндірді
"Теренс Кроуфорд біріші орта салмаққа оралмайды. Сауль Альвареспен жекпе-жекке шығатыны туралы ресми хабарланғанда ол автоматты түрде WBO ұйымының уақытша чемпионы атағынан айырылады. Қазір оның міндетті қарсылас статусы қайтарылды", - дейді Оливери.
Кроуфорд рингке қырүкйете оралады, оның қарсыласы мексикалық бокс жұлдызы Сауль "Канело" Альварес (62-2-2, 39 КО) болады.
Жарнама