Қарсыласымды құрметтеймін және жекпе-жекке дайынмын. Бұрын 69 келіде өнер көрсеткенмін. Ал "Астана - Арланста" жүргенімде орта салмақта жұдырықтастым. Бұл салмақта жұдырықтасуға дайынмын.
Қазір өзімді жайлы сезінемін. Бұл дивизиондағы бәсекеге дайынмын. Жақсы дайындық пен биік рухтың арқасында. Бастысы алға ғана жүріп, мақсаттарға жету.
Бұл бәсекелі салмаққа үлкен жекпе-жектер үшін келдік. Чемпион болуға дайынмын! Эгис Климаспен осы мәселе бойынша жұмыс істеп жатырмыз. Ол қазір Қазақстанда және бокс кешіне келу керек. Онымен жұмыс істеп, биік шыңдарға жетеміз", - дейді Ислам.
Еске салайық, Қанат Исламның бокс кеші 5 шілде Балуан Шолақ атындағы спорт сарайында өтеді. Бұл шоудың андеркартында Мадияр Әшкеев, Руслан Мырсатаев және басқа да қазақстандық боксшылар жұдырықтасады.