"Жиіркенішті айқас, ақымақтық". Шетелдік БАҚ қазақстандық нокаутшының алғашқы жеңілісі жайлы

Бокс туралы жазатын vRINGe.com интернет-журналы қазақстандық Жан Кособуцкий (19-1, 18 KO) мен нигериялық Эфе Аджагба (18-1, 14 KO) жекпе-жегіне қатысты мақала жариялады, деп хабарлайды Vesti.kz.

"Солақай Кособуцкий қарсыласына сенімді түрде тап берді, бірақ нигериялық мұндайға дайын боды: джебпен қашықтықты ұстап отырды, қармыта шабуылдар жасауға тырысты. Екінші раунд біртүрлі қызық өтті. Аджагба денеден соққылар жасады. Кособуцкий қарсыласы оны белден төмен ұрғанын көрсетті, ал төреші былқ еткен жоқ. 

Кособуцкийге денеден соққылар ұнамады, бір кезде ол Аджагбаны күрес әдісімен құлатты. Жан раунд соңына дейін көп соққы өткізіп алды. Қарсыласын күшпен алмақ болды. Бірақ бұл күмәнді шешім еді.  

Үшінші раундта Кособуцкий екі рет белден төмен ұрып, екі рет ұпайдан айырылды. Жан жоғары деңгейдегі жекпе-жектерге дайын емес сияқты. 

Жиіркенішті айқас болды. Екеуі де белден төмен ұра берді. Кособуцкий тұрысын ауыстырып қарсыласын шатастырмақ еді. Алайда өзі шатасқан сияқты. Жиіркенішті айқас осылай аяқталды. Белден төмен тағы бір соққы, дисквалификация. 

Бұл ақымақтық...", - деп жазады дереккөз.