Жеңілмеген қазақстандық боксшы Майк Тайсонның бапкерімен жаттыға бастады

Қазақстандық боксшы Мадияр Әшкеев (11-0, 6 КО) келесі жекпе-жегіне дайындалып жатыр, - деп хабарлайды Vesti.kz.

Бұл кездесуге Әшкеевті атақты бапкер Бадди МакГирт жаттықытрып жатыр. Америкалық маман бұрын өзі де екі дүркін әлем чемпины болған және бір кездері Майк Тайсонды жаттықтырған. 

Әшкеев соңғы рет биыл қаңтарда жұдырықтасты. Калифорния штатындағы Сант-Инес қаласында өткен бокс кешінде отандасымыз пуэрторикалық Луис Эрнандесті төрешілер шешімімен жеңді.  

Айта кетейік, былтыр шілдеде орта салмақтағы қазақстандық проспект Жәнібек Әлімханұлы (5-0, 2 КО) да МакГритпен жаттыға бастаған. АҚШ-та өткізген екі жекпе-жегіне де қазақстандықты осы бапкер дайындап еді. 

Қыркүйектен бері МакГирт жартылай ауыр салмақта өнер көрсететін ресейлік Сергей Ковалевті (32-3-1, 28 КО) жаттықтырады.