Орта салмақта жеңіліп көрмеген қазақстандық боксшы Мейірім Нұрсұлтанов (20-0, 11 КО) осы дивизионда WBO және IBF чемпионы Жәнібек Әлімханұлымен (17-0, 12 КО) жекпе-жек өткізуге қатысты ойын айтты, деп хабарлайды Vesti.kz.
Нұрсұлтанов жекпе-жек мүмкіндігі жайлы"Әрбір кәсіпқой боксшының арманы бар, әлем чемпионы, абсолют чемпион болғысы келеді. Егер Жәнібек екеуміздің жолымыз түйісіп жатса, неге өткізбеске? Жәнібек те қарсы емес деп естідім. Алдымен чемпиондық белбеу жеңіп алу керек. Ары қарайғысын сосын айтуға болады", - деді Мейірім Астанадағы бокс кешінде журналистермен әңгіме кезінде.
Айта кетейік, Нұрсұлтанов WBC ұйымынң чемпионына міндетті қарсылас атанды. Енді Мейірім доминиканалық Карлос Адамеспен (24-1-1, 18 КО) жұдырықтасуы керек.