Жекпе-жекке бір ай қалғанда Ахмедовтің қарсыласы ауысып кетті

Екінші орта салмақтағы қазақстандық боксшы Али Ахмедовтің (22-1, 16 КО) 17 қаңтардағы жекпе-жегіне қарсыласы ауысып кетті. 

Бастапқыда Али америкалық Рональд Эллиспен (18-5-2, 12 КО) жұдырықтасу керек болған.

Алайда BoxRec мәліметінше, енді Ахмедов АҚШ-тың өзге боксшысы Малкольм Джонспен (17-4-1, 10 КО) жекпе-жек өткізетін болды. 

Ахмедов кейінгі рет 20 қыркүйек Ирландия астанасы Дублиндегі бокс кешінде жұдырықтасып, франциялық Пьер Юбер Дибомбені (22-2-1, 12 КО) төрешілердің бөлек шешімімен жеңген еді. Бұл айқаста қазақстандық боксшы нокдаунға түскен болатын.