Жазира Орақбаева Азия чемпионатының жартылай финалында жеңілді

Қазақстандық боксшы Жазира Орақбаева Амман (Иордания) қаласында өтіп жатқан Азия чемпионатының жартылай финалында жеңілді, деп жазады Vesti.kz тілшісі. 

52 келіге дейінгі салмақта сынға түскен отандасымыз жартылай финалда жапониялық Ринка Киноситамен жолықты. Үш раундтың қорытындысы бойынша бұл кездесуде төрешілер жеңісті Киноситаға берді. Осылайша, Орақбаева Азия чемпионатының қола жүлдегері атанды. 

Айта кетейік, бұған дейін шаршы алаңға шыққан Назым Қызайбай, Мәдина Нұршаева, Ләззат Күнгейбаева қарсыластарынан жеңіліп, бокстан Азия біріншілігінің қола медалін иеленді. Ал Жайна Шекербекова мен Алуа Балқыбекова финалға шыққан болатын.