Жәнібек Әлімханұлын жеңген боксшы ширек финалға өтті

Қостанай облысының боксшысы Михаил Коханчик Қарағандыда өтіп жатқан Қазақстан чемпионатында бірінші жекпе-жегін өткізді. 

80 келдегі жекпе-жекте Коханчик Жамбыл облысынан келген Аман Қазанғаповты ұпай санымен жеңді. Осылай, Михаил 21 желтоқсанда өтетін турнирдің ширек финалына өтіп отыр. 

Еске салайық, Коханчик 2017 жылғы Қазақстан чемпионатында қазір кәсіпқойда жүрген Жәнібек Әлімханұлын жеңіп, сенсация жасаған еді. 

Коханчик те кәсіпқой бокста өнер көрсетіп, бес жеңіске жетіп, бір рет жеңілді.