Жәнібек Әлімханұлы экс чемпионмен айқасу үшін Лас-Вегасқа келді

Орта салмақтағы қазақстандық боксшы Жәнібек Әлімханұлы (10-0, 6 КО) кәсіпқойдағы 11-ші жекпе-жегін өткізу үшін Лас-Вегас (Невада штаты, АҚШ) қаласына келді, деп хабарлайды Vesti.kz.

Қазақ боксшының қарсыласы әлемнің бұрынғы чемпионы франциялық Хассан Н'Дам Н'Жикам (38-5, 21 КО). Бұл кездесу Қазақстан уақытымен 21 қараша таңғысын өтеді. Елімізде бұл айқас тікелей көрсетіледі. 

Las Vegas ? pic.twitter.com/aTAMvpO6Rv

— Janibek Alimkhanuly (@qazaqstyle) November 18, 2021

Жәнібектің жекпе-жегі Top Rank ұйымдастыратын бокс кешінің PPV-андеркардының бір бөлігі болады, ал кештің басты айқасы Теренс Кроуфорд (37-0, 28 КО) пен Шон Портер (31-3-1, 17 КО) арасында өтеді.