Жәнібек Әлімханұлы әлемнің бұрынғы чемпионымен жекпе-жек алдында мәлімдеме жасады

Орта салмақтағы қазақстандық боксшы Жәнібек Әлімханұлы (9-0, 5 КО) Лас-Вегасқа барды. 26-маусым күні осы қалада Жәнібек бұрынғы әлем чемпионы америкалық Роб Брантпен (26-2, 18 КО) жекпе-жек өткізеді, деп хабарлайды Vesti.kz.

"Лас-Вегастамыз. Сенбі Лас-Вегаста үлкен жаңалық болады және оны бүкіл әлем естиді. Вегаста болған жағдай, Вегаста ғана қалмау керек. Мен қазақша стилімді көрсетемін", - деп жазыпты Жәнібек твиттер желісінде. 

We are in Las Vegas. There will be big news in Vegas on Saturday and the whole world will know about it. What happens in Vegas shouldn't stay in Vegas. I will show QAZAQ STYLE ?

— Janibek Alimkhanuly (@qazaqstyle) June 23, 2021

Әлімханұлы - Брант айқасы украиналық Василий Ломаченко (14-2, 10 КО) мен жапониялық Масаеши Накатани (19-1, 13 КО) кездесуінің андеркардында өтеді. Қазақстан уақытымен ол 27-маусым таңғысын болады. Трансляцияның басталуы 08:00.